Jeta dhe Martesa e "Khushit".... Sanaya Airani! Foto nga Martesa ♥

Seriali që ka mbërthyer pranë ekranit edhe publikun shqiptar “Si ta quaj këtë dashuri” dhe protagonistja, aktorja indiane e njohur për rolin e Kushit, kanë nxitur kureshtjen e fansave edhe jashtë ekranit. Vajza që luan rolin e një vajze që vuan shumë për dashurinë, në të vërtetë, në jetën reale e ka gjetur prej kohësh atë. Dhe ka një dashuri të ëmbël, shumë të ëmbël.   

Aktorja Sanaya Airani, prej më shumë se një viti jeton një martesë të lumtur me bashkëshortin e saj, Mohit Sehgal. Fillimisht, ata u takuan për herë të parë në një show ‘Miley Jab Hum Tum’ në vitin 2008 dhe prej atëherë nuk u ndanë më me njëri-tjetrin. Derisa u martuan në një dasmë madhështore më 25 janar të vitit 2016. Të gjithë fansat i njohin si çifti Monaya, bashkim i të dy emrave.

Fotot e dasmës madhështore në një vend të mrekullueshëm në plazh, në Goa, bënë xhiron në rrjet. Ritualet, veshjet tradicionale të nuses dhe dhëndrit, momentet e gëzimit të tyre edhe në praninë e të gjithë miqve, u tërhoqën vëmendjen të gjithëve jo vetëm në Indi, por edhe në të gjitha vendet ku janë transmetuar serialet ku ata janë bërë pjesë.

Lajmet që Mohit Sehgal dhe Sanaya Irani janë bashkë ishte si një surprizë për fansat pas fejesës së tyre private, në Delhi, vendlindjen e Mihit-it. Çifti nuk kanë qenë asnjëherë të hapur për publikun për marrëdhënien e tyre. Ndaj edhe aludimet se ata kishin 7 vjet së bashku para se të martoheshin ishin surprizë për të gjithë. Askush nuk e kishte ditur deri atëherë.

Megjithatë, dasma ishte një event i jashtëzakonshëm. Të gjithë miqtë e Mohit dhe Sanaya, familjarët dhe të afërmit ishin të pranishëm. Një natë para dasmës, u organizua edhe një koktejl (24 janar 2016) në Planet Hollywood Hotel, në Goa (fotot e mëposhtme).

Sot, më shumë se një vit pas dasmës, ata vazhdojnë të jenë çifti më i kërkuar dhe ndër më të paguarit në industrinë indiane të filmit. Projektet për seriale i kanë gati njëri pas tjetrit, por edhe jeta personale po u shkon mjaft mirë. Vijojnë ta shijojnë dashurinë e tyre në çdo moment dhe ta ndajnë edhe me fansat. Pa e fshehur më…