E mbani mend ‘Anushkën’ tek Sarasvatiçandra? Në jetën e saj ka patur ndryshime të mëdha!!

Me siguri të gjithë e mbani mend Anushkën tek seriali Sarasvatiçandra i transmetuar në TV Klan vitin e kaluar. Edhe pse aktorja nuk qëndroi gjatë në serial, personazhi i saj ishte një ndër më të pëlqyerit për shkak të rolit pozitiv dhe buzëqeshjes së ëmbël që Anushkën e karakterizonte. Në jetën e Srishty Rode ka pasur ndryshime së fundmi. Aktorja pak kohë më parë ka bërë fejesën me të dashurin e saj dhe në dimër kanë vendosur të martohen.“Ne nuk donim ta bënim publike, thjesht mblodhëm disa miq, ushqime dhe verë”, tha i fejuari Manish Naggdev.

Datën e dasmës nuk e kemi vendosur, por do të jetë në fund të vitit. Deri atëherë po kalojmë shumë kohë bashkë. Nuk mund të them që shkojmë shumë mirë bashkë sepse edhe grindemi, por sa më shumë e njoh atë, aq më shumë bie në dashuri”, shtoi aktori. Srishty Rode dhe Manish Naggdev janë prej tre vitesh bashkë dhe mesa duket ky është momenti i duhur që ata të lidhin kurorë.