'Nihan' dhe 'Sulltan Ahmeti' do t'ju bëjë të derdhni lot me historinë e tyre tepër prekëse!...

Neslihan Atagul është një nga aktoret më të dashura për publikun. Ajo u bë e njohur në Shqipëri nga seriali "Dashuri e pafund" ku luante rolin e Nihanit. Ndërsa Ekin Koç është fytyra më e re në ekranin shqiptar edhe pse në Turqi është shumë i njohur. Ai luan rolin e Sulltan Ahmetit në "Sulltanesha Kosem"  Dyshja e aktorëve kanë luajtur një film bashkë të titulluar "Senden bana kalan" (Ajo që mbetet nga ti), një film tepër prekës dhe që ka bërë çdo shikues të derdhë lot.

Filmi flet për historinë e Ozgur (roli i Ekin Koç) i cili për të përfituar trashëgiminë që i ka lënë gjyshi, i duhet të plotësojë një kusht, të jetojë në fshat. Aty Ozgur bie në dashuri me Elifin (roli i Neslihan Atagul). Historia e tyre e dashurisë merr një rrjedhë tjetër kur Elifi sëmuret rëndë. Për fat të keq ajo e humb betejën me jetën dhe ky është edhe fundi i hidhur i këtij filmi, një film që ka brenda, dhimbjen, forcën, lumturinë dhe dashurinë./Xing.al