Ndahet nga jeta Aleksandër Lalo gjatë kohës që transmetohej 'C'est la vie'

Është ndarë nga jeta mbrëmjen e sotme kompozitori i mirënjohur shqiptar Aleksandër Lalo. Teleshikuesit e kanë marrë vesh lajmin e hidhur gjatë kohës që transmetohej "C'est la vie", i cili mesa duket ishte regjistruar më herët.

Me ndarjen nga jeta të artistit, u ndërpre transmetimi i spektaklit dhe spikeri i lajmeve, Reis Çiço dha lajmin e hidhur për publikun. Çiço sqaroi për publikun që emisioni ishte regjistuar 2 ditë më parë dhe se maestro do të shfaqet edhe në puntatën e ardhshme pasi është e regjistuar.

Aleksandër Lalo u shua në moshën 68-vjeçare. Ai njihej për kompozimet e tij në filmat e kinematografisë shqiptare.